د تجاوز نسبی مفهوم

 غښتلی افغان

ما تر اوسه داسی ګڼله چې تجاوز، خپلواکۍ،او أزادی د هغو مفاهېمو  له ډلې څخه دي چې بدلون  او تغېر نه مومي يعنې که متجاوز او اشغالګر هر نوم ولری اشغالګر دی او که د چا خپلواکۍ او آزادی ترېنه واخيستل شې نو هغه اسېر ، بنده او غلام دی.

د شوروی يرغل او ناتارهر چا د خپلی پوهی په کچه تحليل او ارزيابی کړاو ورسره وړ   کړه ئې وکړه،چا توپک ته لاس کړ ،چا قلم ته،او چا هم خپله کوڅه بدله کړه.

په دې لړ کې د وطنپالنې د ملي لوړ احساس لرونکو يو شمېرپوهانو  د يرغل او تجاوز د بربنډولو، شنډولو او طرد له پاره داسی مټې را بډوهلې او دومره څه ئې پری وليکل چې ځانونه ئې پری بنديان کړل او په دی سنګر کې ئې د علمبردارانو لوړ لقب تر لاسه کړ چې په دې لړ کې د پوهاند محمد حسن کاکړ،پوهندوی دکتور محمد عثمان روستار تره کې ، شکرالله کهګدای..... نومونه په غټو تورو د تارېخ په پاڼوکې کښل شوي دي. خو اوس ماته دا سوال تل سترګو ته دريږی چې د شوروی وهغه وخت او د امريکې د روان عمل توپيرپه څه کې دی؟  آيا دا تجاوز نه دی؟آيا اوس زمونږ آزادی او خپلواکی له منځه نه ده تللې؟ نو د پوهې او قلم د خاوندانو او په تېره له ياد شوو استادانو نه چې موضوع ئې په مسلکي لحاظ هم اختصاصي رشته ده زما پوښتنه داده چې ولې  ئې دا موضوع د تاريخ او حقوقو د علومو له نظره تر او سه ونه څيړله ؟چا او څه شي ئې د قلم ستونی ور ټېنګ کړی؟ او ولی خپل پرونی ګټلی ثواب د اوسنی سکوت په ګناه له منځه وړي؟

 په درناوی غښتلی افغان

مقالات پشتو اين سايت با فونت پشتو تحرير گرديده اند. برای داونلود ونصب خط پشتو به اينجا کليک کنيد:

خط پشتو